Образовательная деятельность во второй младшей группе на

тему: «В гостях у Винни Пуха»
Интеграция образовательных областей: Художественно-эстетическое, познавательное, речевое, социально- коммуникативное, физическое развитие Зиатдинова Айгуль Василевна, воспитатель Россия, г.Альметьевск, Муниципальное бюджетное дошкольное образовательное учреждение «Центр развития ребенка- детский сад № 22 «Алсу» г.Альметьевска» Место проведения: г. Альметьевск МБДОУ»ЦРР-д/с № 22 «Алсу» т.8 (8553) 38-38-45 2016 г Максатлар:

2 нче татар зурлар төркемендә бердәм белем бирү эшчәнлеге

төзелеше конспекты МБДОУ №22

Автор:
тәрбияче Зиатинова А.В.
Дата:
15.10.2015 ел.
Тема:
Винни-Пухта кунакта.
Программа:
Н.Е.Веракса “Туганнан алып мәктәпкә кадәр”.
Балаларның яше:
5-6.
Төп белем бирү өлкәсе:
танып белү.
Интеграль белем бирү өлкәләре:
аралашу,социальләштерү,сәламәтлек.
Максат:
логик фикерләү сәләтен үстерү.
Тәрбия бурычы:
балаларда үзара дуслык хисләре, мөстәкыйльлек, эшчәнлеккә карата кызыксыну,кунакчыллык тәрбияләү.
Үстерү бурычы:
логик фикерләү,хәтер,күзаллау сәләтен үстерү;сорауларга төгәл һәм тулы җавап бирүләренә ирешү, сөйләмнәрен камилләштерү.
Белем бирү бурычы:
10 эчендәге саннарны уңай һәм кире тәртиптә санауны дәвам итү, “алда”, “артта”, “уңда”, “сулда”, “арасында” төшенчәләре турындагы белемнәрне ныгыту.
Методик алымнар һәм чаралар:
әңгәмә,уен,мактау,сорау.
Җиһазлау:
интерактив такта, дидактик уеннар,слайдлар,билетлар, магнит такта,биремле битләр һәм каләмнәр.
Индивидуаль эш:
сөйләм телен үстерү.
Алдан үткәрелгән эш:
“Винни-Пух маҗаралары” дигән мультфильмнан өзекләр карау,уеннар ярдәмендә “уң”, “сул”, “артта”, “алда” төшенчәләрен , геометрик фигураларны искә төшерү.

Эшчәнлек төзелеше:
1.Хат уку. 2.Төп өлеш: -Туган көнгә җыену. -Билет саннары буенча урыннарга утыру. -Сәяхәт итү маршрутын сайлау. -Дидактик уен “Кайсы кемнең йорты?” -Дидактик уен “Кунакланың урынын тап”. -Ял минуты. -Уен “Банканы җый”. -“Үз урыныңны тап”. 3.Практик эш: Пластилиннан чүлмәкләр әвәләү. 4.Йомгаклау:чүлмәкләрне бүләк итү.

Эшчәнлек барышы:
Тәрбияче : (ишеккә шаку) Балалар безгә кемнәндер хат килгән.Ә кемнән икәнен белер өчен әйдәгез табышмакның җавабын табыйк: Бер аюның бик тә, бик тә Бал ашыйсы килгән ди Зәңгәр шарны болыт итеп Ул һавага менгән ди. Бал кортлары бик хәйләкәр Серне бик тиз белгәннәр, Тазакайны без-без килеп Түбәнгә төшергәннәр. -Ягез, кем турында сүз бара инде? Әйе, әлбәттә бу мультфильм герое-Пух. Әйдәгез хатны укыйк әле. “Кадерле балалар! Бүгенминем туган көнем . Мин үзмә кунаклар килгәнен бик тә яратам. Минем яныма килгәндә сезгә төрле биремнәр үтәргә туры килер. Сез бик зирәк һәм акыллы балалар. Сезне зур түземсезлек белән көтеп калам!” -Балалар, Винни-Пухка кунакка барабызмы? -Ә Винни Пух кайда яши? -Винни-Пухка нинди транспортларда барырга була? (балалар тәкъдим итәләр). -Балалар, әйдәгез автобуста барабыз. Винни Пух безгә сәяхәт итү картасын һәм билетлар җибәргән. (Билетларда 1-10 га кадәр ясалган нокталар). -Мин сезгә билетларны таратам, ә сез билетлардагы нокталарны санап, үз урыннарыгызга утырыгыз. -Билетыгызның номерын атагыз. -Синең урының кайсы якта? -Ә синеке (уңда яки сулда)?
-Әйтүемчә, Винни-Пух безгә сәяхәт итү картасын да җибәргән. Игътибар белән схемага карагыз әле (интерактив тактада маршрут картасы). -Нинди юнәлештә юл тотарбыз? (Уңга,сулга,туры). -Балалар әйдәгез автобус йөртүчесен билгелибез. -Йөтүчебез бар, һәрберебез үз урыннарыбызга утырдык, маршрутны билгеләдек. Афәрин балалар!Мин сезне яратам ! Ә хәзер әйдәгез юлга- Винни-Пухка кунакка! -Арымас өчен юлда, әйдәгез ял итеп алыйк (“Автобус” аудиоязмасы астында хәрәкәтләр ясыйлар). -Менә без Винни-Пух яшәгән урманга килеп җиттек. -Балалар, монда йорт берәү генә түгел , ә ничәү? -Кайсы Винни-Пух йорты икәнен каян белербез? -Әйе, чынлап та ул безгә әйтеп җибәргән. Тыңлагыз: Ишәк Иа торбалы йортта, Пятачок 4 тәрәзәле, өчпочмак түбәле йортта, Кролик 5 овал тәрәзәле, кызыл трапециягә охшаган йортта яши. (Рәсемнәр күрсәтелә). -Ә Винни-Пух кайсы йортта яши икән?(Күрсәтәләр, өске почмакта,уңда, 3 тәрәзәле сары түбәле, шакмак формалы йортта-йомшак уенчык Винни-Пух урындыкка утыртыла). -Карагыз әле, Винн Пух үзенең урмандагы дусларын да туган көненә чакырган. (Интерактив тактада 10 җәнлек-кунак ). -Кунакларны сулдан уңга таба санагыз. -Ничә кунак? -Ә хәзер уңнан сулга таба санагыз. -Күпме кунак санадыгыз? -Кем беренче? -Тәртип буенча кем бишенче? -Карлсн ничәнче урында? -Бүре кемнәр арасында тора? -Беренче һәм өченче кунак арасында кем тора?
-Иң соңгы кунак кем? -Афәрин балалар! -Пятачок Винни-Пухка банкада бал бүләк иткән, ә Винн-Пух ул банканы ялгыш ваткан. -Әйдәгез балалар, Винни-Пухка банканы җыярга ярдәм итик. (Балалар магнит тактага банка ватыкларын кирәкле урынга ябыштыралар-тулы банка килеп чыга) -Афәрин балалар. Рәхмәт. -Ә хәзер ял итеп уйнап алыйк. Саннарын буенча белемнәрне дә ныгытырбыз. -Урман аланына чыгыгыз, көйгә биибез, көй тәмамлану белән тиз генә саннарны дөрес тәртиптә тотып бер рәткә басарга тиешсез (Карточкада 1 дән 10 га кадәр саннар). -Афәрин булдырдыгыз, кояшларым! -Балалар, яңа нәрсәләр белдегез? -Нинди яхшылыклар белән очраштыгыз? -Болар турында кемнәргә сөйләрсез? -Туган көнгә бүләкләр дә бирәләр бит әле. Әйдәгез бергәләп Винни-Пухка чүлмәкләр әвәлибез. Тиздән кыш җитә-чүлмәкләргә ул үзенең әзерләгән балын салыр (Балалар ясыйлар һәм бүләк итәләр). -Рәхмәт, нәни шаяннарым. Винни-Пух бик шат дип уйлыйм. Ул сезне бик ярата. Минә сезне бик яратам. -