Балык Бистәсе муниципаль районының Рус Әшнәге төп гомуми белем бирү мәктәбе

гомуми белем муниципаль бюджет оешмасы.

Сингапур алымнарын кулланып эшләү.

Төзүче: Шәйхетдинова Лилия Хөснулловна
I квалификацион категорияле татар теле һәм әдәбияты укытучысы

2014-2015 нче уку елы.
Тема: Саннарны гомумиләштереп кабатлау.

Саннар

ны

гомумил

әштере

п

кабатла

у.

6нчы сыйныф.


Максат:
1. Сан турында алган белемнәрне искә төшерү, ныгыту. 2. Укучыларның белемнәрен системага салу; 3. Балаларның фикерләү сәләтләрен, сөйләм телләрен үстерү; 4. Укучыларга тарихи мәгълүмат бирү, татарларның бөек шәхесләре белән кызыксындыру.
Җиһазлау:
презентация, карточкалар, текстлар, тест (компьютерда), сан сүз төркеме буенча слайдлар, дәреслек.
Дәрес барышы.

I.

Оештыру.
1)
1 нче слайд.
Уңай психологик халәт тудыру. Укытучы:- Исәнмесез, укучылар! Кәефләрегез ничек? Укучылар:-Кояшлы иртә кебек. Укытучы:-Туган телдә бөтен хисне җөмләгә төреп була, Әйтәсе килгән сүзне дә әйтеп бетереп була. Туган телдә тик бер хисне җөмләгә төреп булмый, Аны ничек сөюеңне әйтеп бетереп булмый!
2)2 нче слайд. Мэнэдж мэт.
-Яныгыздагы иптәшегезгә
Кояшлы көн теләгез
. - Каршыдагы иптәшегезгә
Хәерле көн
теләгез. -Бүгенге дәрестә без сезнең белән кунакларыбызга яңа рецепт буенча бик тәмле күчтәнәч әзерләячәкбез.Моның өчен бик якты,чиста сыйныф кирәк булачак.Шул сыйныфка акыллы укучыларны кертәбез.Аларга яхшы кәеф салабыз.Моның өчен кашык очында гына юмор өстәргә дә ярый.Укучыларны урыннарына урнаштырганнан соң,күчтәнәне әзерли башлыйбыз.Белемне күп салырга курыкмагыз,ул дәреснең тәмен бозмас.Тагын да яхшырак килеп чыксын дисәгез ,фикерли белү сәләтен дә кушарга була.Тәмләткеч урынына иҗади эшләү,тиз уйлау,актив булуны куллансагыз, күчтәнәчегез искиткеч тәмле булачак.

Әзерли башладык.Дәрестә нәтиҗәле эшләү кагыйдәләрен искә төшереп

китик.

Пайсларны искә төшерү.
1.Бер-беребезгә уңай тәэсир. 2.Шәхси җаваплылык. 3.Тигез катнашу. 4.Бергәләп эшләү.
1)Си-финк-уандэ.

(3 слайд)

-
Элеге рәсемне игътибар белән күзәтегез.Анда ниләр күрәсез? Безнең бүгенге тема белән ничек бәйле икән ул? (3 слайд) -Әлеге слайдта туган телебезне өйрәнүгә,аны үстерүгә зур өлеш керткән шәхесләрне күрәбез. -Слайд астында мәкаль дә бар(Я халыкка ияр,я халыкны иярт!).Аны ничек аңлатыр идегез? -Саннар халык авыз иҗаты әсәрләрендә (әкиятләр, табышмаклар, мәкальләр, җырлар һ.б.)бик еш очрый. Әйдәгез, без дә мәкаль әйтеш уйнап алабыз. Җиде кат үлчә , .....(бер кат кис) Бер иске дус...... (ике яңа дустан ышанычлырак). Йөз сум акчаң булганчы,.........(йөз дустың булсын). Алты яшьлек юлдан кайтса,............(алтмыш яшьлек күрешә килер). Җиде йортның телен бел,...........(җиде төрле белем бел).
(4слайд)

2)Токин мэт.
Укытучы сан темасына караган төрле төшенчәләр, сүзтезмәләр язарга тәкъдим итә.
(5слайд)
Укучылар аерым эшлиләр.Эшләре белән алышыналар һәм тема буенча фикер йөртәләр. 3)
Финк-Райт-Раунд Робин
(уйларга-язарга,бер-береңә сөйләргә).
Нинди сан төркемчәләре очрады?Сез ясалышы ягыннан тагын нинди сан төркемчәләрен беләсез?
(6 слайд)
4)
Сорт кардс.
Бирелгән карточкаларны төрле охшаш билгеләре буенча берничә төркемгә бүлегез.Һәр төркемдә карточкалар саны төрлечә булырга мөмкин.(Укучылар төрле мәгънә төркемчәсенә караган саннарны төркемлиләр).
(8слайд)
6)Физминут.
(11 слайд)

7)Файнд зе фиб.

(12 слайд)
1. Дөрес җавапны табыгыз. а) Сан – ул предметны һәм санаганда аның тәртибен күрсәтүче мөстәкыйль сүз төркеме. ә) Сан – ул предметның санын, исәбен белдерә торган мөстәкыйль сүз төркеме. б) Сан – ул предметның санын, исәбен, санаганда предметларның тәртибен белдерә торган ярдәмче сүз төркеме. в) Сан – ул предметның билгесен белдерә торган мөстәкыйль сүз төркеме. 2. Дөрес булмаган җавапны күрсәтегез. а) кырык сигез – бу микъдар саны; ә) бишәү – бу җыю саны; б) дүрттән бер – бу чама саны; в) утыз алтышар – бу бүлем саны. 3. Хаталы юлны күрсәтегез. а) биш, унбиш, илле, биш йөз; ә) җиде, ун җиде, җитмеш, җиде йөз; б) алты, уналты, алтмыш, алты йөз; в) сигез, унсигез, сиксән, сигез йөз.
8) Конэрс.(Табам, язам , әйтәм, беләм)

(14 слайд)
Укучылар үзләренә ошаган сүзне сайлап алалар һәм шул почмакка барып басалар.
Табам
(почмагы)-бирелгән тексттан саннарны табып әйтергә.

Язам
(почмагы)- бирелгән тексттан саннарны табып дөрес язарга.
Әйтәм
(почмагы)- бирелгән текстның төп фикерен әйтергә.
Беләм
(почмагы)- бирелгән текстта саннар нинди җөмлә кисәге булып килгәнен билгеләргә.
Рухи

хәзинәләр

сандыгы
Китап элек - электән һәркемнең якын юлдашы булган . Ул кешеләрне матурлыкка әйдәгән , татулыкка чакырган . Татар китабы тарихы - татар мәдәнияте тарихы ул . Галимнәр әйтүенчә , 1722 нче елдан 1917 нче елгача унбиш меңләп исемдә татар китабы басылып чыккан . Бу китаплар мәчет - мәдрәсәләрдә тупланган . Әмма татар китабына каршы көрәш кискен һәм аяусыз була . Китапларның күбесе юкка чыгарыла . Бу көрәш Явыз Иван 1552 нче елның 2 нче октябрендә Казанны басып алгач башлана . “ Хан көтепханәсе ” бөтенләй эзсез югала . Болгар дәүләте һәм Казан ханлыгы чорында яшәгән шагыйрьләрнең күпме , нинди әсәрләре югалуын бүген һичкем әйтә алмый ! Татар китабына һөҗүм аннан соң да дәвам итә . Әйдәгез , рухи хәзинәләребездән файдалана белик , тормышыбыз яктырак булыр .
9)Тик-тек-тоу
( дәрес,сан,сүз төркеме,укыйбыз, кызыклы,сингапур, өйрәндек, тырышырбыз,күңелсез )
(15 слайд)
Укучылар бирелгән карточкалардагы сүзләрне теләсә кайсы тәртиптә тезәләр 3-3.Соңыннан туры сызык буенча, 3 сүзне кертеп җөмлә төзеп әйтәләр.Җөмләдә бүгенге дәрескә булган мөнәсәбәт чагылыш тапса,тагы да яхшы.
V. Йомгаклау
. -Укучылар , мин сезнең белемнәрегез белән бик канәгать.Ә үзегез? -Сезгә кызыклы табышмаклар тәкъдим итәм.Теләгегез булса,җавабын уйлап карагыз! Дәрес тәмам.(Билгеләр кую).
(17,18 слайд)

Р.S. Дәресне әзерләгәндә , төрле интернет мәгълүматлары кулланылды.